Беларуская мова. Планы-канспекты ўрокаў. 5 клас (I паўгоддзе) Дапаможнік для педагогаў устаноў агульнай сярэдняй адукацыі

Выданне ўключае паўрочныя распрацоўкі па беларускай мове для 5 класа на першае паўгоддзе навучання, змяшчае 51 урок па тэмах: мова - найважнейшы сродак зносін, маўленне, паўтарэнне вывучанага ў I-IV класах, тэкст, сінтаксіс і пунктуацыя.
Матэрыял дапаможніка падабраны з улікам узроставых і псіхалагічных асаблівасцей вучняў, іх цікавасцей, з мэтай максімальнага ўздзеяння на выхаванне. Для сістэматызацыі ведаў, трывалага запамінання, а таксама магчымасці звярнуцца да паўтарэння ў любы перыяд навучання уводзяцца памяткі, дзе размяшчаецца самая асноўная інфармацыя па правілах беларускай мовы ў сціслым схематычна-графічным выглядзе, уключаны ўжо запоўненыя варыянты апорных схем і табліц для сшытка-даведніка. Многія матэрыялы, якія падаюцца ў дапаможніку, можна дэманстраваць на экране мультымедыйнага праектара, камп'ютара, тэлевізара. Спалучэнне зрокавай і слыховой інфармацыі з пошукавай дзейнасцю будзе больш эффектыўным, чым выкарыстанне іх паасобку.
Прызначаецца настаўнікам беларускай мовы і літаратуры.