Гаспадарчая тыпалогія і мерапрыемствы па аптымізацыі, ахове і рацыянальным выкарыстанні прыроднай травяністай расліннасці Беларусі

На падставе аналізу шматлікіх маніторынгавых даных і сінтаксанаміі расліннасці Беларусі прапанавана навукова абгрунтаваная стратэгія лугавой кормавытворчасці, увасобленая ў гаспадарчай тыпалогіі - сістэме падраздзяленняў травяных угоддзяў краіны з пэўнымі мерапрыемствамі па іх аптымізацыі і рацыянальным выкарыстанні. Вылучана 11 тыпаў і 26 падтыпаў угоддзяў, якія адпавядаюць класам (парадкам) і звязам класіфікацыйнай сістэмы Й. Браўн- Бланке і ахопліваюць уласна лугі, травяныя балоты і пусткі, папары і закінутыя землі, шэльфы вадаёмаў. Крытэрыямі вылучэння гаспадарчых падраздзяленняў служылі фларыстычны склад, перш за ўсё эдыфікатарныя дамінанты, і ўмовы развіцця раслінных супольніцтваў. 
Прапануецца спецыялістам сельскай гаспадаркі, прыродаахоўнай сферы і землекарыстальнікам, навукоўцам-геабатанікам і эколагам, выкладчыкам ВНУ і сярэдніх спецыяльных навучальных устаноў сельскагаспадарчага профілю, а таксама прыродаахоўных і экалагічных дысдыплін у іншых установах адукацыі.