Асэнсаванне шэдэўра. Берасцейская Біблія

Выданне раскрывае таямніцы адной з самых загадкавых і незвычай- ных беларускіх кніг за ўсю айчынную гісторыю. Яно ўключае вынікі комплекснага навуковага даследавання Берасцейскай Бібліі 1563 г. - сапраўднага шэдэўра айчыннай і сусветнай культуры. У кнізе зроблена спроба не толькі апісаць абставіны стварэння і бытавання гэтага кніжнага помніка, але і асэнсаваць яго значнасць як твора мастацтва, паліграфічнага шэдэўра, рэлігійнай каштоўнасці, літаратурнай і навуковай працы нашых продкаў паказаць непаўторныя рысы гэтага найпрыгажэйшага, найдаражэйшага і самага вялікага выдання Беларусі XVI-XVIII стст. У той жа час дадзеная праца з’яўляецца спробай асэнсавання значнасці Берасцейскай Бібліі ў кантэксце сучаснага сацыякультурнага развіцця Брэста і ўсёй краіны, важнага і каштоўнага здабытка для сучасных беларусаў, прадмета гонару за родны край. Праз гэта гістарычны помнік вяртаецца да жыцця і працягвае служыць развіццю айчыннай культуры.