Мястэчкі ва ўладаннях каталіцкай царквы на тэрыторыі Беларусі ў сярэдзіне XVII - XVIII ст. Сацыяльна-эканамічнае развіццё

Каталіцкая царква з’яўлялася найбуйнейшым духоўным землеўла- дальнікам і адной з найбольш уплывовых сіл у ВКЛ. Аснову яе магутнасці складалі велізарныя ўладанні, у склад якіх у XVII-XVIII стст. уваходзілі больш за 30 мястэчак на тэрыторыі сучаснай Беларусі. Многія з іх з’яўляліся важнымі лакальнымі адміністрацыйнымі і рамесна-гандлёвымі цэнтрамі. У манаграфіі на аснове архіўных крыніц і гістарычных даследаванняў разглядаецца сацыяльнае становішча, а таксама гандлёва-рамесныя і сельскагаспадарчыя заняткі насельніцтва мястэчак каталіцкай царквы.
Разлічана на прафесійных гісторыкаў, выкладчыкаў і ўсіх, хто цікавіцца гісторыяй Вялікага Княства Літоўскага і Беларусі.