Палын.Чарнобыль.: Паэтычна-графічны дыялог

Пасля выпуску першай сумеснай кнігі "Нетры", якая на Міжнародным кніжным кірмашы ў Франкфурце-на-Майне ў 2005г. атрымала высокую ацэнку і ўвайшла ў лік ста лепшых кніг свету, аўтары працягнулі творчае супрацоўніцтва і ў сваім новым выданні, прымеркаваным да 20-й гадавіны аварыі на Чарнобыльскай АЭС, праз выяўленча-вобразныя сродкі графікі і паэзіі распавядаюць аб найбуйнейшай у свеце тэхнагеннай катастрофе XX стагоддзя.

Прарочыя словы святога Іаана Багаслова пра зорку Палын лейтматывам праходзяць праз усю кнігу, знітоўваючы ў адзінае цэлае яе структуру і змест. Своеасаблівая споведзь паэта і мастака, адзін з якіх — Міхась Башлакоў — з'яўляецца ўдзельнікам ліквідацыі вынікаў аварыі на ЧАЭС — гэта не толькі напамін аб жахлівай трагедыі, але і вера ў тое, што чалавечыя пакуты, колькі б яны не доўжыліся, у рэшце рэшт спасылаюць нам надзею і любоў...