Калі ўпадзе адзін... : раман у аповесцях

Раман лаўрэата Дзяржаўнай прэміі Рэспублікі Беларусь пісьменніка Уладзіміра Саламахі шмат у чым прадстаўляе новы, нетрадыцыйны для беларускай літаратуры погляд на вайну і чалавека на ёй. У аснове рамана — душэўная, ма- ральная трагедыя невялікай групы людзей, жыхароў спаленай карнікамі беларускай вёскі Гуда. Галоўныя дзеючыя асобы — бацька здрадніка, які ўдзельнічаў у знішчэнні аднавяскоўцаў, і яны, гуднянцы, якія цудам выжылі, а таксама іх сыны-воіны, кожны з якіх стаяў перад асабістым выбарам: застацца ў жы- вых ці ахвяраваць свае жыццІ ў імя выратавання людзей. Сцвярджэнне аўтара аб святой неабходнасці чалавеку ў лю- бых, нават самых страшных сітуацыях жыць у згодзе з усім астатнім светам заклікае чытача да філасофскіх разважанняў аб жыцці ўвогуле, аб нашым мінулым, сучасным і будучым.