Беларуская мова. Прафесійная лексіка для эканамістаў : вучэб. дапам.

Змяшчае тэарэтычны матэрыял і комплекс практыкаванняў па курсе “Беларуская мова (прафесійная лексіка)” для студэнтаў розных спецыяльнасцей эканамічнага профілю, а таксама тэставыя заданні і тры дадаткі.

Асноўная ўвага звернута на прафесійную (спецыяльную) лексіку - асаблівасці вымаўлення, напісання, словаўтварэння, словаўжывання, прыёмы тэрміналагізацыі і тэрмінатворчасці, уменне адэкватна і мэтазгодна выкарыстоўваць моўныя сродкі ў залежнасці ад камунікатыўнай задачы выказвання. Матэрыялы практыкаванняў маюць эканамічную скіраванасць. Асобна да кожнай тэмы падаюцца творчыя заданні, арыентаваныя на развіццё вуснага і пісьмовага маўлення.

Для студэнтаў устаноў вышэйшай адукацыі па эканамічных спецыяльнасцях. Будзе карысны навучэнцам устаноў, якія рэалізуюць адукацыйныя праграмы сярэдняй спецыяльнай адукацыі.