Вяртанне з забыцця

“Вяртанне з забыцця" - гэта не толькі вяртанне незаслужана забытых імёнаў мужных воінаў, якія аддалі сваё жыццё ў вайне з фашызмам у час другой сусветнай вайны далёка ад сваёй радзімы ў складзе польскай арміі, але і аповед аб іх крыжовым шляху на тую вайну, аб тых бітвах, дзе яны змагаліся. Адны з іх загінулі, другім пашанцавала выжыць, але і адны і другія на многія гады былі аддадзены забыццю ў сябе на радзіме. Імёны загінуўшых воінаў адшуканы ў лонданскіх і варшаўскіх архівах і апублікаваны гісторыкам Ю. Грыбоўскім у Беларусі ў газеце "Новы час".