Разбор шляхты ў беларускіх губернях Расійскай імперыі (канец XVIII - XIX ст.)

Асвятляецца працэс фарміравання і рэалізацыі ўладамі Расійскай імперыі палітыкі разбору шляхты ў Беларусі ў канцы XVIII - XIX ст. Вызначаюцца прычыны правядзення разбору, паказваецца дзейнасць дзяржаўнага механізму па яго выпрацоўцы, аналізуюцца цяжкасці ў ажыццяўленні і спосабы іх пераадолення. Разглядаецца рэакцыя на палітыку разбору шляхты, у прыватнасці з’ява фальсіфікацыі дакументаў на дваранства. Значная ўвага надаецца аналізу працэсаў эвалюцыі прававога і сацыяльнага статусу катэгорый дробнай шляхты, трансфармацыі саслоўных і сацыяльных структур.