Пазіцыі германскіх дывізій у Беларусі : Сектар Сэрвач-Вішнева (Памяткі Першай сусветнай). 

У другім выпуску серыі разглядаецца ўчастак абароны дывізій у складзе 9-й і 12-й нямецкіх армій працягласцю 82 км ад вёскі Сэрвач Карэліцкага раёна да вёскі Вішнева Валожынскага. На мапах, выдадзеных польскім Вайсковым геаграфічным інстытутам на пачатку дваццатых гадоў мінулага стагоддзя, аўтары пазначылі фартыфікацыйныя збудаванні і вайсковыя пахаванні перыяду пазіцыйнага супрацьстаяння на Усходнім фронце ад верасня 1915 да кастрычніка 1917 г. Прааналізаваная таксама тылавая пазіцыя «Нёман», што знаходзілася за 45-50 км ад лініі фронту, як прыклад працягу стратэгічных вынаходак Генеральнага штаба Германіі ўарганізацыі «акопнай вайны». 
Разлічана на ваенных гісторыкаў культуролагаў і экскурсаводаў.