Графічная кніга паэта: вершы, кампазіцыі

У «Графічнай кніге паэта» пад адной вокладкай сабраныя вершы і графічныя кампазіцыі аўтара, архітэктара па першай адукацыі. Гэтае своеасаблівае выданне сведчыць аб тым, што ў жыцці і творчасці нічога не бывае выпадковым, што мастацкая адукацыя аніяк не можа знікнуць бясследна, у пэўнай ступені яна дадае адценні творчай палітры пісьменніка. I паэтычныя радкі, і графічныя лініі ў кнізе суіснуюць у суладдзі, кожная мастацкая сутнасць па-свойму выяўляе грані творчай асобы Уладзіміра Мароза ў медытатыўнай, настраёвай плыні.