Мінск : падарожжа ў часе = Минск : путешествие во времени = Minsk : A Journey  Through Time

Кажуць, час бязлітасны. Ідуць гады, змяняюцца пакаленні і эстэтычныя каноны. Перабудоўваюцца і ўзводзяцца новыя гарады, і вобразы мінулага адыходзяць у нябыт. А разам з імі - і частка нашай культуры, нашай агульнай душы. 
Але са старых, кранутых подыхам часу рарытэтных фотаздымкаў на нас, нашчадкаў, глядзіць мінулае. 
Кніга вядомага краязнаўцы і філакартыста Уладзіміра Ліхадзедава - гэта ўнікальная магчымасць пагартаць старонкі гісторыі Мінска з XIX ст. да нашых дзён, паглядзець на яго ў розныя гады з аднаго ракурса, адчуць пульс яго жыцця. 
70 год аддзяляе нас ад Вялікай Перамогі. Выданне дапоўнена здымкамі часоў самай кровапралітнай і разбуральнай вайны, з якой паўстаў новы, сучасны Мінск. 
Дпя шырокага кола чытачоў.